Galing kay Romeo 'Jhake' Morales Jr
mahirap ay dumadali kung may kasama
mabigat ay gumagaan sa pasaning may katuwang ka
pasasalamat ko sa inyo'y walang dulo't hangganan
nakatatak na sa'king puso't isipan .
bagyo ng buha'y nanalasa sa iba't ibang paraan
mga kamay na dala'y pag-ibig handog ay sisilungan
sa'king pagtangis yayapusing kay higpi't kay init
di man kadugo'y bisig n'yoy inialay na 'ko'y kumapit.
ihip ng hangin sa disyembre'y sinlamig ng nyebe
sing init ng kape ang pagmamahal na inyong ibinahagi
sing pait ng ampalaya ang danas kong pighati
inyong pagkalinga'y sing tamis ng kendi.
ngalan mo'y hindi ko isusulat sa kapirasong espasyo 'to
maluwag 'king isipa't aking puso
doon nananahan ang taong tulad n'yo
kasama ng dalangi't pasasalamat sa'nyo.
December 25, 2021
